Кугезе кочам Василий Юзыкаевич Юзыкаев 1901 ийыште Буймо ялеш кресаньык ешеш шочын. Кугу Ачамланде сарыш кайымыж деч ончыч ешым поген. Сагида пелашыж дене кум икшывым ончен куштеныт. Кочамым фронтыш 1941 ийыште налыныт. Василий Юзыкаевич 807-ше номеран составысе 304-ше стрелковый дивизийыште лийын. Йоча-влак ачаштын серышыжым шарнен лудыныт: «Ме фронт воктене улына, лӱйкалыме да пудештме йӱк шергылтеш веле». Кугезе кочайнан ӱмыржӧ 1942 ий 24 июньышто Харьков областьысе Сеньково олаште талын кредалме годым кӱрылтын. Ме тудым эре шарнена.
Алёна ЮЗЫКАЕВА.
Татарстан, Агрыз, Буймо.
