Чевер шыже толын. Лышташ влак нарынчемыныт, мландым леведыт. Игече йӱкшемда. Ял калык ончен куштымо пакча саскажым поген налын. Мыят ешлан тиде пашаште полшенам: кешыр ден ушмен шудым кораҥденам, уто ковышта лышташ дене вольыкым сийленам. Кавуным поген налмаште ончышо веле лийынам. Тудо чылт пакчасе кече гай лийын: кугу, нарынче, чевер (снимкыште). Мыланем шыже пагыт сӧраллыкше, поян саскаж дене пеш келша.
Амелия КОШПАЕВА.
Шернур, Кукнур.
Фотом еш архив гыч налме.
Май тӱҥалтыште класс дене походыш миенна. Ик тумо йымалне нерешташ тӱҥалше ятыр тумлегым (тумакайым) верештынна. Каласыман, мемнан кундемыште ты пушеҥге шуэн вашлиялтеш. Садлан тумлегым погаш да шындаш кутырен келшенна. Тыгак…
«Весёлый Муравейник» школ пеленысе лагерь эртыме годым ме, «Берендей» школ лесничествын чолга еҥже-влак, йоча-шамычлан профориентаций сынан пайремым эртаренна. И.Г.Порфирьеван вуйлатымыж почеш ныл станцийым ямдыленна. 1-4-ше класслаште тунемше 97 ӱдыр-рвезе чодыра…
