Чевер шыже толын. Лышташ влак нарынчемыныт, мландым леведыт. Игече йӱкшемда. Ял калык ончен куштымо пакча саскажым поген налын. Мыят ешлан тиде пашаште полшенам: кешыр ден ушмен шудым кораҥденам, уто ковышта лышташ дене вольыкым сийленам. Кавуным поген налмаште ончышо веле лийынам. Тудо чылт пакчасе кече гай лийын: кугу, нарынче, чевер (снимкыште). Мыланем шыже пагыт сӧраллыкше, поян саскаж дене пеш келша.
Амелия КОШПАЕВА.
Шернур, Кукнур.
Фотом еш архив гыч налме.
