Кугу эҥертыш

Марий йылме урок тӱҥале. Туныктышына ыштышаш паша нерген каласкалыш. Парт ӱмбаке «Ямде лий» газетым шарен оптыш. Ме, йыр погынен шинчын, пашалан пижна. Урокнан темыже – «Ик составан тыглай ойлончо-влак». Людмила Прокопьевна газет гыч предложений-шамычым возен лукташ кӱштыш. Ме, икте-весынам шке аклен, отметкым шындышна. Урокышто мотор йоча газет дене пашам ышташ моткоч келшыш. Тудо мыланна кугу эҥертыш лие. Тыгай урокым ончыкыжымат вучаш тӱҥалына.

Вика ПОЛИКАРПОВА.

Кужэҥер, Йывансола.