Марий калыкын тӱвыра да мер пашаеҥышт Иван Петровлан, Андрей Эшпайлан да Валентин Колумблан Йошкар-Олаште памятникым шогалтат. Проект почеш, пашам 2021 ийыште мучашлаш палемдыме.
Памятник-влакын эскизыштым снимкыште ужыда. 1 октябрьыште Пушкин уремыште верланыше И.С.Палантай лӱмеш тӱвыра да сымыктыш колледж воктене шарныктыш кӱм пыштыме. Тушан А.Эшпайлан памятникым шогалтыме лиеш. Автор-влак Анатолий Медведев ден Сергей Говорков улыт. И.Петровлан памятник эскизым Владимир Карпеев ден Сергей Говорков ямдыленыт. 2 октябрьыште Йошкар-Оласе Петров уремын 2-шо номеран пєрт пырдыжеш Марий облисполкомын икымше вуйлатышыжым шарныме лӱмеш оҥам пижыктыме. В.Колумблан памятник эскизым Анатолий Ширнин ден Сергей Яндубаев ямдыленыт.
Л.Григорьева ямдылен.
Фотом Интернет гыч налме.
