Марий самырык театр у тургымым премьер-влакын парадышт дене тӱҥалын. Ныл спектакльым ныл режиссёр шынден. 1 сентябрьыште «Звёздный блин» йомакын премьерже лийын. 4-5 сентябрьыште Г.Гордеевын «Кок родо – пошкудо» комедийжым ончаш ӱжыт. Самырык-влаклан келыштаралтше «Сторож» лирике комедий 9 сентябрьыште лиеш. А 12 сентябрьыште «Сказка о рыбаке и рыбке» йомак дене йоча-влакым куандарат. Лӱмгечылан пӧлеклалтше ятыр мероприятийым эртараш палемденыт.
– «Эртыме корным шергалына» фестиваль кумло ий ыштыме пашанам са-вырнен ончалаш, кузе вияҥмым, таче кузе илымым да ончыко мом ыштышашым шергалаш полша. «Ик ялыште кум сӱан», «Сказки дядюшки Римуса» да моло спектакль-влакым калык ончыко луктына», – ойла театрын художественный вуйлатышыже О.Иркабаев.
