Ешыште поро йӱла уло: пырля погынен, курутым ыштена. Мый изинек тудым пӧрдыкташ йӧратем (снимкыште). Туддене шӱрым нугыдемдаш, ужар кушкыл дене варен, приправе семын кучылташ лиеш. Кажне шошым полдыран шӱрым шолтена. Полдыраным телылан аралаш погена.
Курутым ышташ тендамат туныктем. Тидлан кӱлыт: 2 литр кефир, 2 изи совла шинчал, марле.
Кефир гыч тувыртыш вӱдым чыпчыктарыза. Марлеш кодшо торыкыш шинчалым ешарыза, сайын нӧштылза. Изи ӱяча-влакым пӧрдыктылза. Курутым кече ваштареш але изи тулан духовкеш пеҥгыдеммешке коштыза.
Зульхиза ЮСУПОВА.
Башкортостан, Белорецкий, Инзер.
Фотом еш архив гыч налме.
