Полина ден Даша Лебедевамыт Н.И.Заболоцкий лӱмеш 2-шо №-ан Шернур школышто тунемыт. Кок ансамбльыш коштыт: иктыже – «Ласточка» вокал да хореографий. Весыже – «Созвездие».
– Ӱдыр-влак мыйын полышкалышем улыт, – ойла Кочанур ялысе тӱвыра пӧрт пеленысе «Созвездие» ансамбльым вуйлатыше О.А.Петухова. – Даша ден Полина изи йоча-влак коклаште лияш моткоч куанат. Ӱдыр-рвезе-влак дене шке гыч куштымашым шындат.
– Куштымашым ме интернетыште ончена. У движений-влакым пуртена, кушто гын шке семын вашталтена. Кажне куштымаш чон гыч лекше лийшаш, тарванылме гоч ончаш толшо калык куштымашын «вийжым» шижшаш, – ойлат ӱдыр-влак.
