Кугезе ковамым лӱмжӧ– Мария Александровна Александрова. Куд йоча кокла гыч шкетак веле илен кодын. Кугу Ачамланде сар тӱҥалмеке, ковам 20 ияш лийын. Тудым Волжский районысо Сотнур селаш трактористлан тунемаш колтеныт. 1943 ий гыч 1948 ий марте Сотнур МТС-ыште тракторым вӱден. Ӱдыръеҥлан пеш неле лийын: келге йӱд марте куралын, ӱден, тырмален, тракторым шкеак олмыктен. Яра жапыште фронтыш колташ шокшо вургемым пидын. Сар жапыште кугезе ковамын тазалыкше лунчырген. Но, чыла чытен, сеҥымашым лишемдаш йӱдшӧ-кечыже полшен. Ятыр медаль дене палемдалтын. Сар деч вара ургызылан пашам ыштен.
Мый кугезе ковам дене кугешнем да тудын гай лӱддымӧ, чолга, пашаче лияш шонем.
Ксения БУТЕНИНА.
Морко, Эҥерсола.
