Мыйын кугезе кочам – Андрей Васильевич Федотов. Тудо Шернур районысо Тоски ялыште 1916 ий 24 августышто шочын. 14 ияш улмыж годым колхозышто пашам ышташ тӱҥалын. 1932-1933 ийлаште бригадирлан, 1933-1936 ийлаште счетоводлан тыршен. 1937 ий 20 октябрьыште Совет армийыш каен, Моско областысе Серпухово олаште службым эртен. 1940-1941 ийлаште «Октябрь» колхозышто председатель лийын. 1941 ий 10 ноябрь гыч 1942 ий 4 июнь марте Йӱдвел-Касвел фронтын Москосо стрелковый дивизийыштыже рядовой лийын. 1942 ийыште младший лейтенант курсым эртен. Тиде ийынак 15 августышто шинчашкыже осколко логалын. 1942-1945 ийлаште тӱрлӧ вере взводын командирже лийын. Кочам, мыят тыйын гай лӱддымӧ лийнем!
Надя ФЕДОТОВА.
Кужэҥер школ.
