Марий Эл гыч сенатор К.И.Косачев кум тунемшылан: Звенигово район Красногорский гыч Мария Иванова ден Елизавета Шнейдерлан, Медведево район Руш Рукмарий гыч Валерия Ивановалан – РФ Федераций Советын «За проявленное мужество» шарнымаш медальжым кучыктен. Герой-ӱдыр-влак лӱддымылыкым ончыктеныт да тӱрлӧ туткар гыч йоча-влакым утареныт.
Марий Эл Республикысе образований да науко министр Н.В.Адамова чолга ӱдыр-влакым ончен куштымыштлан ача-аваштлан Тауштыме серышым пуэн.
