Республикысе йоча каныме лагерь-влак тений кеҥежым пашам ышташ тӱҥалшаш улыт. Марий Эл Республикысе образований да науко министр Н.В.Адамован ойлымыж почеш, канаш да тазалыкым пеҥгыдемдаш 184 организацийым ямдылыме. Санаторий ден лагерьлаште 62 тӱжем наре йоча канен кертеш.
Теле каныш годым Кутерем селасе «Нефтяник» тӱвыра пӧртыштӧ «Морозко» мюзиклым ончыктенна. Юзо лум пырче-влак пайремым весела куштымаш дене тӱҥалыныт. Мыят нунын коклаште лийынам. Марфушан рольжым авам модын. Снимкыште когыньнам ужыда.…
«Движение Первых» йоча толкын чолга ӱдыр-рвезе-влакым иквереш уша. Тудын радамыш пурышо-шамычын чотышт ий гыч ийыш ешаралтеш. Йоча-влак пырля ятыр поро пашам ыштат, кугыеҥ-шамычлан тӱрлӧ мероприятийым эртарымаште полшат, вийыштым, уш-акылыштым конкурслаште…