У тунемме ий тӱҥалмеке, Шӱргыял школышто «Марий сылнымут садвечыште» кружок 15 йочам (снимкыште) уэш иквереш чумырыш. Икшыве-влакын тӱҥ пашашт: марла чын да сылнын возаш тунемаш, почеламутым, ойлымашым, тӱрлӧ теме почеш заметкым серен мошташ. Нунын возымышт районысо да республикысе газетлаште савыкталтеш. Йоча-шамычын сылнымутышт «Сылнымут изолык» книгашкат пурталтын. Ӱдыр-рвезе-влак почеламутым сылнын лудмо конкурслаште сеҥыше-шамыч радамыш лектыт. Теве Надежда Сергеева «Сылнымут шошо» районысо пайремыште ойыртемалтмыжлан Муром олашке миен.
Марий йылмым аралымаште, усталык корным вияҥдымаште кружокын надырже палдырна.
Елена ГРИГОРЬЕВА,
кружок вуйлатыше.
Фотом школ архив гыч налме.
