Кужэҥер район Коҥганур школ пеленысе йочасадыште «Мыйын родо-тукымем» конкурс эртаралтын. Изи ньога-влак ача-ава-шамычын полшымышт дене родо-тукымыштым шымленыт, тӱрлӧ йӧным кучылтын, презентацийым ямдыленыт да йолташыштлан кертмышт семын палдареныт. Кажне йочалан ешыже эн шерге да йӧратыме. Тыге икшывым изинек патриотизм шӱлышеш куштена, школыш каяш ямдылена.
В.С.ГЛУШКОВА.
