25 ноябрьыште серызе Н.С.Мухинын шочмыжлан 135 ий темеш. Николай Семёнович тӱрлӧ ийготан лудшо – влаклан шке сылнымутшым пӧлеклен. Йоча-шамычлан «Пӱртӱс сем» книгам лудаш темлена.Идалыкысе пагыт вашталтмаш илышышке у тӱсым пурта.
Шӧртньӧ подым, очыни, кажне еҥ илышыштыже муаш шонен. Теве Роберт Льюис Стивенсонын «Остров сокровищ» романысе тӱҥ герой Джим Хокинсын кидышкыже капитан Флинтын картше логалын. Кӧлан тиде поянлык логалеш: чолга рвезылан але сӱрзым пират-влаклан?
Руш серызе Гавриил Троепольскийын «Белый Бим Чёрное ухо» повестьшын тӱҥ геройжо Бим дене палыме лийза. Сылнымутышто айдемын тӱрлӧ койыш-шоктышыжым, поро ден осалулмыжым пийын шинчаж гыч ужаш лиеш.
Катя СЕРГЕЕВА ямдылен.
