«Ямде лий» газетын ик номерыштыже руш поэт Афанасий Фетын почеламутшым лудаш темлыме ыле. Мый тиде пашам шуктышым. Почеламут кумылым савырыше. Авторын шонымашыж дене келшем. Эрдене кынелмеке, йӱдым вочшо лумым ужатат, вигак уремышке лекме шуэш. Издерым але ечым налын, курыкыш куржаш чон шупшеш.
Степан ИЗОТОВ.
Мыят поэтын возымыж дене келшем. Кеч уремыште йӱштӧ гынат, садикте юарлыме шуэш. Йырымваш лум кия. Кече шинчам йымыктара, йыли-юли веле коеш. Ну кузе тыгай годым от куане! Эше воктене йолташ лиеш гын, куан кок пачаш шукемеш.
Надежда ПЕТРОВА.
Морко, Коркатово.
