Теле каныш годым Кутерем селасе «Нефтяник» тӱвыра пӧртыштӧ «Морозко» мюзиклым ончыктенна. Юзо лум пырче-влак пайремым весела куштымаш дене тӱҥалыныт. Мыят нунын коклаште лийынам. Марфушан рольжым авам модын. Снимкыште когыньнам ужыда.
Йомакым йоча-влак веле огыл, кугыеҥ-шамычат кӱкшын акленыт. Тауштеныт, мыланна шуко поро шомакым ойленыт. Тиде мыйым умбакыжат тӱрлӧ мероприятийыш ушнаш кумылаҥден.
София СУЕРБАЕВА.
Башкортостан, Калтаса, Кутерем.
Фотом еш архив гыч налме.
Кумдан палыме руш серызе Аркадий Гайдарын «Тимур и его команда» повестьше кодшо курымышто элыштына тимуровец толкыным ылыжтен. Поро чонан да пашалан чулым ӱдыр-рвезе-влак пошкудыштлан кызытат полшат, шочмо кундемыштым тӱзатат. Марий…
Школышто марий пайрем-влакым эртарашак тыршена. Калык тӱвырам, сылнымутым шымлымашлан тӱткышым ойырена. Марий тиште кечым кумдан палемдена (снимкыште). Йоча-шамычлан марий возыктышын эртыме корныж нерген каласкалена. Нуно икымше шанчыеҥ, журналист, серызе-влак нерген…
