«Шиповка юных» куштылго атлетике дене всероссийский таҥасымашын республикысе йыжыҥже шукерте огыл эртаралтын. Тушко мый кумылын ушненам. Тӱрлӧ дистанцийым куржталмаште, снарядым кышкымаште, куржын торашке тӧрштымаште вий-куатем ончыктенам. Пытартышыже поснак лектышан лийын: 4 метр да 62 сантиметр. Тидыжым шке рекордемлан шотлем. А снарядым изиш начарынрак кышкенам, тудым 28 метр да 70 сантиметр торашке кудалтенам. Ончыч 30 метр лийын. Туге гынат шке ийготан-влак коклаште икымше верым налынам. Ынде вий-куатем 24-25 мартыште Саранскыште ончыкташ тӱҥалам. Лектышем дене «atletka_2013» телеграм-каналыштем палдарем.
Александра ГУСЕВА.
Йошкар-Ола, 2-шо номеран школ.
Фотом еш архив гыч налме.
