Марий ӱдыр-рвезе-влак эн пиалан улыт. Республикыштына йоча книга чӱчкыдын савыкталтеш.
Теве шукерте огыл нунылан Ираида Букетова-Алвий (снимкыште) «Ший теҥге» савыктышым пӧлеклыш. Тудым «Ямде лий» газетын ончычсо сӱретчыже Фаина Лебедева сӧрастарен. Книга дене автор шке палдарыш:
– Икымше ужашыш фантастике сынан йомак-влакым пуртенам. «Йомакысе ола» оҥайын шочын. Марий Эл Республикын сулло изобретательже Борис Лаврентьев дек уналыкеш кум
ий ончыч пуренам ыле. Тудо марий рӱдолам йомакысе персонаж-шамыч семын ужаш шонен. Борис Федоровичым колыштын, тыге каласенам: «Могай олам «сӱретлымыдам» йомакыш савырем». Тудо келшен. Йомаклаште янлыкын, кайыкын, пушеҥгын образышт гоч айдемын койыш-шоктышыжым почын пуаш тыршенам. Марий мифологийыште лийше персонаж-влакым «Таргылтыш» да «Айвика ден Эвика» произведенийлаш пуртенам.Кокымшо ужашышке ойлымаш-влакым чумыренам. Нунылан утларакше илыш гыч налынам. Ойлымашлаште келшымаш, йӧратымаш, темым тарватенам, лишыл еҥ верч азапланымашланат верым ойыренам. Произведенийысе герой-влак йочалан порылыкын вийжым шижын мошташ, сай ден осалым ойыраш полшат, ача-аван шомакыштым колышташ туныктат.
Христина АЛЕКСАНДРОВА мутланен.
Фотом еш архив гыч налме
