Башкортостан Республик Нефтекамск оласе 7-ше номеран йочасадыш коштшо ӱдыр-рвезе-влакым шочмо марий йылмым йєраташ туныктат, марий тўвыра дене палдарат. Воспитатель С.А.Иштубаева изи йочан кумылжым савыраш тӱрлӧ йӧным кучылтеш.
– Ме марий йомакым эре лудына, модынат ончыктена. Йоча-влак йомак гоч порылыкым осал деч ойыраш, йолташым аралаш, пагалаш тунемыт. Модыш гоч уш-акылым пойдарат, – ойла Светлана Алексеевна. – Марла мероприятийым эртараш ава, кова-влак полшат. Персонаж-влаклан чиемым шке ямдылат. Шукерте огыл «Шудышырчык ден Мераҥ» йомакым модын ончыктенна. Йоча-влак марла куштеныт, совла да тӱмыр дене марий семым луктыныт.
Йочасадыште марий модыш касым, марий тувыр, марий кочкыш кечылам эртарат. Мероприятий годым калык йӱла дене палдарат, ончерым келыштарат. Икшыве-влакын ковашт марий тӱр, марий вургем нерген каласкалат. Уныкашт-влак марий калык дене кугешнышт манын тыршат.
