Школышто марий пайрем-влакым эртарашак тыршена. Калык тӱвырам, сылнымутым шымлымашлан тӱткышым ойырена. Марий тиште кечым кумдан палемдена (снимкыште). Йоча-шамычлан марий возыктышын эртыме корныж нерген каласкалена. Нуно икымше шанчыеҥ, журналист, серызе-влак нерген пален налыт. Тиште, тамга, марий тӱр нерген уло кумылын колыштыт. «Ото» почеламутым сылнын лудыт, викторинысе йодыш-шамычлан вашмутым кычалыт. Шочмо калыкын эртыме корныжым шымлен, марий улмышт дене утларак кугешнаш тӱҥалыт манын ӱшанена.
Ю.С.КАЛЯЕВА.
Башкортостан, Балтач, Ӱлыл Йыванай.
Фотом школ архив гыч налме.
