Татарстан Республикысе Менделеевск район Элнет школ марий поэт-баснописец Г.Микайын лӱмжым нумалеш. Школышто марий шӱлышым аралыме да йоча-влакым марий тӱвыра дек лишемдыме шонымаш дене марий йылмым да литературым туныктышо Т.Н.Абрамова 2013 ийыште «Марий сем» йоча ансамбльым почын. Куштышо коллективым кы-зыт марий йылмым да литературым туныктышо Е.Б.Семякова вуйлата. Марий сем йоҥгалтеш веле, сценышке ӱдыр-рвезе-влак йӱксыла койын ийын лектыт. Нуно 1-9-ше класслаште тунемыт.
– Марла куштымаш, муро гоч ме кугезе коча-кована-влакын илышышт, шонымашышт, марий йӱла дене палыме лийына, – ойлат изи артист-влак.
Самырык артист-влак тӱрлӧ конкурсышто сеҥышыш лектыныт: «Веснушки-2017» районысо фестиваль-конкурс (1-ше вер), «Самырык тукым» регион-влак кокласе йоча усталык фестиваль (1-ше вер), «Ме пырля» республикысе фестиваль (2-шо вер).
