Сылнымут кружок шке пашажым уэш тӱҥале. Тудым марий йылмым да литературым туныктышо Е.В.Григорьева вуйлата. Кружокыш латкуд йоча коштеш. Мыйым старостылан ойырышт. Икымше занятийыште ончыкылык паша нерген кутырышна. Ме марий писатель, поэт-влак дене вашлиймашлам эртараш шонена. Тек нуно мемнан серыме пашана-влакым аклат да ой-каҥашым пуат. «Марий сылнымут садвечыште» кружокын лектышыже куандарыше лиеш, шонем.
Стелла КУЗНЕЦОВА.
Морко, Шӱргыял.
