Марий йӱлам да йылмым аралаш кӱлеш. Марий калык нерген кочам деч шуко пален налынам. Изием годым марла йомакым лудын, варарак пырля чодырашке поҥгым, емыжым погаш коштыктен. Пырля лийме годым тошто илышым шарналтен, йӱла-влак нерген каласкален. Тыге мый шочмо йылмым пагалаш тунемынам. Кочам дене эре марла кутырымо. Рушла мутланаш телевизырым ончен тунемынам. Ме школышто мари модыш-влак дене модына, марла мурена, куштена. Кажне пайремлан концертым ямдылена. Марий улмына нерген ик жапланат огына мондо.
Алёша ОБОЖИН.
Свердловск кундем, Нижнесергинский, Старобухарово.
