Тиде йодышлан кажне еҥ тӱрлын вашешта. Родо-тукымем таза, школышто келге шинчымашым налам, тӱнямбалне тыныс илыш гын, мый шкемым пиаланлан шотлем. Пиалым ужаш ок лий, тудо мемнан кидыште.
Школышто Семён Вишневскийын «Пиал» поэмыжым лудынна. Тушто пиал нерген салтак тыге шонен: «Ныл ий жап коклаште ятыр меҥгым я чакнен, я ончыко каен, мӧҥ- гышкӧ савырнен мием гын, пиалан лиям». Салтаклан ешыште йочан юарлыме йӱкшат – кугу пиал. Тидым нимогай поянлык дене алмашташ ок лий.
Пиал – илышыште мо улыжлан тауштен моштымаш, шонем. Чылаж годым тудым огына шеклане, огына акле. Нелылык дене тӱкнышӧ еҥ гына пиалым нигӧ деч чот умыла.
Юлия ЯГОДАРОВА.
Советский, Кельмаксола.
