Йошкар-Ола воктенысе Кузнецово (Пурсанур) ялыште мотокросс дене республикысе таҥасымаш 35-ше гана эртаралтын. Тушко тунемше-влак ушненыт. Корнымбаке мопед да мотоцикл дене 31 спортсмен лектын. Советский район Алексеевский (Топкайэҥер) посёлко гыч Дмитрий Бутенин (снимкыште) мопед дене кудалыштмаште писылыкшым терген да финиш палым икымше «пӱчкын». Рвезе Алексеевский кыдалаш школышто 7-ше классыште тунемеш. 8 ияшак карт машина руль ончыко шинчын. Пытартыш кок ий мотокросс деке шӱмаҥын. Кӱртньӧ «имне-влакым» моштен виктара да сеҥымашыже-шамыч дене куандара.
Оля МАЙКОВА.
Фотом еш архив гыч налме.
