Шукерте огыл класс дене Юрино посёлкышко экскурсий дене миенна. Шереметев замокышто (снимкыште) лийынна. Тудо кундемнан ойыртемалтше вержылан шотлалтеш. Опытан экскурсовод дене пырля замокын историйжым пален налынна. Тӱрлӧ пӧлем ден залым, подвалым онченна. Замок дене кылдалтше тӱрлӧ легенде уло. Кугу кӱ полат моторлыкшо дене турист-влакым сымыстара. Кажне еҥ кундемнан эртыме корныжым палышаш да тыгай верлаште лийшаш.
Дима УХОВ.
Йошкар-Ола, 7ше номеран школ.
Фотом еш архив гыч налме.
