Авам ден ачам сӱан кечыштым шукерте огыл палемденыт. 32 ий келшен, икте-весым пагален да умылен илат. Ачам председательлан пашам ышта. Сомылжо моткоч шуко. Тудым авам умыла, кертмыж семын полша. Мый нуным эртыше пайремышт дене шокшын саламлем. Тазалыкым, пиалым, пашаште кӱкшӧ лектышым, эре ончылно лияш тыланем.
Вес куан увер – Кужнур ял шотан илемыш пурышо Вязовко селана «Айык аул» республикысе конкурсышто сеҥышыш лектын. Шочмо кундемемлан 20 тӱжемаш сертификатым кучыктеныт.
Вероника БАЙРАМОВА.
Башкортостан, Бирск район.
