Кеҥеж каникул писын эртен кайыш. Каныш годым йолташем-влак: кок Дима да Богдан – дене пырля мечым тавален, чумен куржталынна але футболла модынна. Южгунам урем мучко модын куржталынна. Но мечым чотрак чумалат гын, иктаж-кушко логалын кертеш, эсогыл окнамат шалаташ лиеш. Садлан пакча мучашысе яра верыште ме шкаланна футболла модаш верым келыштаренна. Кӱжгӱ каштам конденна, шӱмленна, вискаленна, пӱчкеденна да шогалтенна. Тыге капка «шочын». Футболла модаш кажныланна чот келша. Тудо ик эн оҥай да пайдале спорт.
Антон МАМАЕВ.
Кужэҥер, Йӱледӱр.
