Мыйын шочмо верем – Эсмекпляк кундемын Одар ялже. Тудо Марий Элнан эн сай ужашыштыже верланен: Звенигово ола марте 14 километр гына, Волжск марте – 16, Йошкар-Олашке 100 километрым кудалман, Озаҥыш – 80 меҥгым, Чебоксарыш – 100 километрым.
Ялнан лӱмжат оҥай. Шукерте ожно ялнам негызлыме верыште сылне ото лийын, йыр тумер, нӧлпер ден пӱнчер гӱжленыт, пич чодыра гоч лыкын-лукын кадыргыл йоген эртыше эҥер, ший гай волгалтше яндар вӱдан ер кайыквусым, янлыкым тамле вӱдышт дене сийленыт. Тыгай верым ик марий ончен йӧратен да илемым чоҥен, варажым мӱкшым ончаш тӱҥалын. Илемже йыр мӱкшотар лийын. Илен-толын, кугу ялыш савырнен.
Милена РОМАНОВА.
Звенигово район.
