23 ий почела Россий почто «Лучший урок письма» всероссийский йоча конкурсым эртара. Ты жапыште 2,5 миллион утла тунемше возымо мастарлыкшым ончыктен. Тений элна мучко 46 йоча да 6 туныктышо ойыртемалтыныт. Нунын радамыште – Йошкар-Ола гыч Тимур Тупицин (снимкыште).
Рвезе рӱдоласе 10-шо номеран школышто 3-шо классыште тунемеш. Конкурслан «Есть такая профессия – Родину защищать» таҥасым ойырен. Серышыште ачаже, Афганистанысе боевой действийын ветеранже, нерген возен. Кугу Ачамланде сарыште кредалше кочаже да кугезе кочаж дене палдарен. Тимур ешысе талешке-влак нерген ятыр пала, нунын дене кугешна.
Оля МАЙКОВА.
Фотом еш архив гыч налме.
