Волжский район Пӧтъял школын 2-4-ше класслаштыже тунемше-влакым «Шонанпыл» йоча организацийын «Октябрята» радамышкыже пуртымо. Пионер-влак октябрёнок-шамычын йӱлашт, правилышт дене палдарышт. Йоча-влак товатмутым пуышт. Тылеч вара нунын оҥешышт значокым пижыктыме. Школ директор В.А.Семенов ден туныктымо пашан ветеранже З.В.Морозова ӱдыр-рвезе-влакым пайрем дене саламлышт. Ынде икшыве-влаклан келшен да тӱшка пашан лектышыже верч азапланен илаш тунемман.
Л.КОШАЕВА.
