Кугу Ачамланде сар кажне гаяк ешыш ойгым, шинчавӱдым конден. Миллион дене еҥын ӱмыржым кӱрлын. Ме нуным эре шарнаш тӱҥалына.
Мыйынат кугезе кочам Василий Ефимович Ефимов моло салтак-влак семынак талын кредалын. Ик тале сӧйыштӧ тушманын снарядше воктеныжак пудештен. Пеш нелын сусырген, госпитальыште эмлалтын. Но туштат тудым тушман верештын. Бомбо госпиталь воктене пудештын. Ятыр еҥ колен. Нунын коклаште кугезе кочамат лийын. Йолташыже-шамыч ӱчым шуктеныт. Сеҥымашым конденыт, осал тушманым шке пыжашешыже тӱнчыктареныт. Тыныс илышым арален кодышо салтак-влакым мый нигунам ом мондо!
Настя ПЕТРОВА.
Ксения Боголюбован сӱретше.
Морко, Коркатово.
