Ончыко, Зарина!

Мыйын эн сай йолташ ӱдырем – Зарина. Ме 3-шо классыште тунемына. Йолташемын дневникыштыже – «4» ден «5»-ан отметке гына. Зарина книгам лудаш йӧрата. Аваж гаяк тале спортсменке. Йочасадыш коштмыж годымак эре икымше лийын. Заринан кызыт шым медальже да кок кубокшо улыт. Ӱмаште «Вызов Первых» всероссийский таҥасымашын районысо йыжыҥыштыже сай лектышым ончыктен. Тудлан кӧра мемнан школ команде кокымшо верым се- ҥен налын.

Зарина йолташ ӱдырем дене кугешнем. Умбакыжат тыгаяк чолга лиеш манын ӱшанем. Ончыко, Зарина!

Ульяна САВИНОВА.

Волжский, Пӧтъял школ пеленысе Йоча усталык пӧрт.

Снимкыште: Зарина ден Ульяна.

Фотом еш архив гыч налме.

  • Related Posts

    Икымше таҥасымаш

    29 октябрьыште Советский районысо Роҥго кыдалаш школышто дроным виктарыме дене «Пилоты будущего» чемпионатын регионысо йыжыҥже эртаралтын. Тудым «Движение Первых» толкын «Молодёжь и дети» нацпроект почеш эртарен. Таҥасымашке 48 ӱдыр-рвезе ушнен.…

    Усталыкнам тергенна

    Октябрь кыдалне У Торъял посёлкысо тӱвыра рӱдерыште «Финн-угор тӱня» районысо фестиваль-конкурс нылымше гана эртаралтын. Тушко У Торъял, Тошто Торъял, Элембай, Немда да Д.И.Онар лӱмеш Токтарсола школла гыч чолга ӱдыр-рвезе-влак ушненыт.…