21 октябрь гыч 3 ноябрь марте Краснодар кундемысе Анапа олаште верланыше «Смена» всероссийский йоча рӱдерыште самырык корно инспектор-влакын тӱнямбал слётышт эртаралтеш. Тушко Российысе 36 регион гыч 150 наре ӱдыр-рвезе ушнен. Нуно корнышто шкем чын да лӱдыкшыдымын кучымо шотышто шинчымашыштым келгемдат. Марий Эл Республик гыч Волжск оласе лицейын тунемшыже-влак да ОБЖ-м туныктышо Ф.Ф.Шигапов каеныт. Нуно «Лӱдыкшыдымӧ орава» республикысе конкурсышто сеҥышыш лектыныт.
