Тений Сеҥымашын 75 ияш лӱмгечыжлан пӧлеклалтше ятыр проект илышыш шыҥдаралтеш. Нунын кокла гыч иктыже – «Героям Великой Отечественной войны посвящается». Проектым 3-шо номеран Советский школын 11-ше классшым тунем пытарыше Илья Пасеев возен.
– Пєрт пырдыжеш салтакым сӱретлаш шонымаш ӱмаште шочын. Тыгай пашалан Йошкар-Ола гыч кумдан палыме стрит-арт-сӱретче Илья Белов кумылаҥден. Ӱмаште 9 Май вашеш проектым илышыш шыҥдарынем ыле, но шонымем ыш шукталт. «Молодёжь Советского района» толкыным вуйлатыше Татьяна Чепайкина тений Марий Эл Республикын Главажын грантше конкурсышко ушнаш темлен. Сеҥена манын ӱшаненат омыл. Но мемнан проектна ойыртемалтын. Тидлан 25 тӱжем теҥгем ойыреныт.
Но тыгай кугу сӱретым шкетын сӱретлаш куштылго огыл. Ильялан пырля тунемме йолташыже Дима Семёнов, МарГУ-н да ПГТУ-н студентше-влак Дима Медведев ден Вика Виногорова полшеныт. Нунын кокла гыч нигєжат сӱретче огыл гынат, мотор радына шочын.
Сӱретым Советский посёлкысо Свердлов уремын 28-ше номеран пӧртын пырдыжыштыже ужаш лиеш.
