Мыйын шочмо Кугу Овалже ялем Марий кундемнан ик эн сылне лукешыже верланен. Немда эҥер кумылым нӧлта, сылне пӱртӱс чоным рӱпша. У Торъял кундем пагалыме еҥже-шамыч дене кугешна. Кумдан палыме серызе-влак Вениамин Иванов, Борис Данилов, Василий Сапаев ик ялеш шочыныт, пырля кушкыныт, сылнымут аланыште вийыштым тергеныт. Г.Ф.Таныгин — икымше марий оперын тӱҥ дирижёржо. Тачысе кечын «Ончыко» журналын тӱҥ редакторжо Игорь Попов нунын корныштым тошка. Чӱчӱэм Иван Соловьев — М.Шкетан лӱмеш театрын тале артистше. Нине талантан еҥ- влак мыланем пример улыт. Нуным ончен, мыят поро кумылан, весела койышан, лӱддымӧ лияш тыршем.
Савва СОЛОВЬЁВ.
У Торъял район.
