Мый кокымшо классыште тунемам. Классыште коктын веле улына: мый да Радомир Соловьёв. Туныктышына – Наталья Вениаминовна Семёнова. Снимкыште кумыньнам ужыда. Туныктышына пеш поро, шыма, мотор. Урок-влакым веселан да куштылгын эртара. Наталья Вениаминовна мемнам шотлаш, возаш, лудаш да шуко вес у сомыллан туныкта. Мом умылен огына шукто гын, уэш-пачаш рашемда. Классыште коктын тунемаш сай: чыла тӱткыш лач мыланна. Мӧҥгысӧ пашам эре ыштыман: вашмутым кажне урокышто лач когылянна пуаш логалеш. Ме туныктышынам колыштына. Тудым йӧратена, пагалена да пайрем дене саламлена.
Ярослава СЕМЁНОВА.
Морко, Арын.
Фотом еш архив гыч налме.
