Школышто шукерте огыл руш йылме да литератур арня эртаралтын. Туныктышына Э.А.Егорова 9-11-ше класслаште тунемше ӱдыр-рвезе-влаклан оҥай конкурслам ямдылен. Ме, серызе-влакын илыш корныштым, усталыкыштым шарналтен, шинчымашнам тергенна. Кумдан палыме руш писатель-влакын произведенийышт почеш сценкым шынденна. 5-8-ше класслаште тунемше-шамыч Н.В.Александрова ден А.В.Микутован вуйлатымышт почеш чолган пашам ыштеныт. Арня пайдалын эртен.
Таня КУВШИНОВА.
Волжский, Сотнур.
