Шемшоптырын кажне укшыжо, парчалажым рӱзалтен, «Мыйым пого» маншыла вуйжым савалта. Кум шоптырвондым йыклык погышымат, виса дене висалтен, чылаже 6 килограмм лиймым пален нальым. Ик шоптырвондо гыч – 2 килограмм. А пакчаште тыгай вондынаже – 26! Шоптырнан сортшо сай, кугытшо дене чодыра пӱкшым ушештара. Вондынаже-влак эше самырык улыт шол. Сандене саскам лыҥ пуат. Такшым шоптырвондым лу ий гыч уэмдыман.
Тений шемшоптыр гыч вареньым ятыр шолтышна, компотым ыштышна, кылмыкташ оптышна, ужаленат колтышна. Ида ӧркане, шындыза шемшоптырым. Пайдаже мыняре!
Даша СОШИНА.
Морко, Купсола.
