Пелемеш ялыште «Порылык» поро кумылым ончыктымо толкын пашам ышта. Тушко тӱрлӧ ийготан еҥ-влак ушненыт. Ковай-шамыч, кастене верысе клубыш погынен, йӧрем лашкам (домашняя лапша) ыштат, сукаралан киндым коштат. Ме, йоча-влак, окоп сортам ямдылена. Специальный сарзе операцийыште улшо-шамычлан рӱж полшена (снимкыште). Тений лум ятыр возын. Яра жап годым верысе талешке-шамычын да шкет илыше илалше-влакын суртышкышт лумым эрыкташ коштына. «Порылык» толкын ятыр пайдам конда.
Антон ИБАТОВ.
Татарстан, Агрыз, Буймо.
Фотом школ архив гыч налме.
