Ме, 9-10-шо класслаште тунемше-шамыч, Пашазе профессий-влак фестиваль радамыште Вечын селасе аграрно-строительный техникумышко миенна (снимкыште). Тушто трактор ден машинам виктарыме, кочкаш ямдылыме, декоративный штукатуркым ыштыме да моло мастер-классым ончыктеныт. Тыгай вашлиймаш моткоч кӱлешан. Тӱрлӧ паша нерген пален налын, ончыкылык профессийым чын ойыраш куштылгырак.
Эше школышто агроклассым почыныт. Кандашымше классыште тунемше-шамыч ялозанлык паша дене лишкырак палыме лийыт. Тидынат пайдаже кугу.
