Шым кечаш XVII Марий самырык тукым слёт Звенигово олаште пеш писын эртен кайыш. Мый ты слётышто икымше гана лийынам. Моткоч чот келшен. Йолташ-влак дене, икте-весылан полшен, ваш ваш эҥертен, ик еш гае иленна. Кугу таум организатор-шамычлан каласыме шуэш. Мемнан дене пашам ыштыше лужавуй, туныктышо-влаклан чон гыч лекше тау. Слётышто шуко у еҥ дене палыме лийынам, шинчымашем пойдаренам. Гармонь дене шоктымемлан йолташ-шамыч деч таумутым ятыр гана колынам. Слёт илыш нерген шонымашем вашталташ полшен. Тыгай вашлиймашке весканат каяш кумыл уло. Слётым эртарыме поро йÿла кужу ÿмыран лийже.
Кирилл НОВОСЁЛОВ.
Шернур, Кукнур.
Снимкыште: Кирилл Новосёлов ден Пермь кундем гыч Александр Прокопьев.
Фотом еш архив гыч налме.
