Ковамым, Валентина Александровна Ивановам (снимкыште), чот йӧратем. Тудо Морко районысо Вончыдӱр ялеш шочын. Еш пиалым Азъялыште чоҥен. Ковам Азъял кыдалаш школышто пионервожатыйлан пашам ыштен. Вара кӱшыл образованийым налын. Тиде школыштак химий ден биологийым туныктен. Тунемше, ача-ава-влак ковамым кызытат порын шарнат, таум ойлат. Шергакан еҥем мыланемат тунеммаште полша, умылтара. Пайрем дене, ковай!
Виктория ИВАНОВА.
Морко, Коркатово.
Фотом еш архив гыч налме.
