Кугу Ачамланде сар годым пий-влак связист да санитар, диверсант да разведчик лийыныт. 60 тӱжем утла пий фронтышто кредалын. Нуно 700 тӱжем наре сусыргышо салтакым сєй пасу гыч луктыныт, 5862 тонн боеприпасым ончыл линийыш намиен шуктеныт, 8 тӱжем километр телефон воштырым шупшыныт, 300 танкым пудештареныт, 4 миллион мине ден фугасым кычал муыныт. 1945 ийыште Йошкар площадьыште эртаралтше Сеҥымаш Парад годым салтак-влак арамлан огыл фронтовой пийышт дене пырля ошкылыныт.
