13 сентябрьыште парикмахер-шамыч профессионал пайремыштым палемдат. Мыйынат ковам тиде пашам ышта. Тудо профессийжым моткоч йӧрата. Калыкым порын вашлиеш. Кажныжлан ой-каҥашым пуа. Кӧлан мо келшымым тыманмеш пала. Садлан тудын деке эре черет. Мыят ковамын паша верышкыже чӱчкыдын мием. Кузе да мом ыштымыжым эскерем. Кушкын шуамат, тудын гай уста парикмахер лиям. Еҥ-влаклан мотор лияш полшем.
Ева ВИНОКУРОВА.
Йошкар-Ола, 80-ше номеран
«Ӱжара» йочасад.
Фотом еш архив гыч налме.
