Кельмаксола школ торашке шонанпылла волгалтеш. Тӱрлӧ тӱсан пеледыш йырым-йыр моторлыкым шава. Тыгай сӱретым шочыкташ шагал огыл вийым пыштыман. Туныктышо ден тунемше-влак, эр шошым тӱҥалын, лум вочмешке, школ воктенысе 15 сотык пакчаштыт лым лийде тыршат. Кызыт йоча-влак кеҥежымсе дежурствыш черет дене коштыт.
– Пакчаште паша лыҥ. Игече пеш шокшо шога, сандене вўдым эре шавыман, шўкшудым сомылыман. Теве шоганым поген налаш жап шуын (снимкыште), – ойла школ пакчам вуйлатыше А.Н.Рассолова.
Ялысе йоча пашалан изинек тунем кушкеш. Ача-авалан сурт коклаште полша, школ пакчаште кумылын тырша. А паша илаш туныкта, пайдам гына конда.
В.ГОРОХОВА.
Советский район.
