Снимкыште Шернур район Марисола школышто тунемше Диана Волковам ужыда. Шкенжым патыр марий ӱдырлан шотла. Т.Э.Шабдарован вуйлатыме «Гармония» куштымо кружокыш коштын, калык ончылно выступатлаш тунемын. «Тиде патырлык деке ик ошкыл, – ойла Диана. – Вольный борьба секцийыште шкемым аралаш тунемам. Тидат ӱдыръеҥлан кӱлеш. Туштыжо патырлык чот шуаралтеш. Марий йылмым да литературым туныктышо Светлана Мартыновна Максимова шочмо марий йылме дене чын да вожылде мутланаш кумылаҥда. Тидыже патырлык койышым эшеат чот пеҥгыдемда».
