Герой – тиде кӧ? Илышыжым чаманыде, Шочмо эл верч кредалше, тудым аралыше еҥ. Мый ачамым, Евгений Анатольевич Титовым, эн патыр еҥлан шотлем. Тудо Морко район Эҥерӱмбал ялеш 1995 ийыште шочын. Изинек чолга да шонымашке шуаш тыршыше лийын. 1-8-ше класслаште Азъял школышто тунемын. Эн йӧратыме урокшылан физкультурым шотлен. 8-ше класс деч вара Йошкар-Ола воктенысе 21-ше номеран Семеновка школышко куснен. Вара Олимпийский резерв училищыште тренер-преподавательлан тунемын. 2022 ийыште специальный сарзе операцийыш каен. Тушто патырлыкым ончыктымыжлан медаль-влак дене палемдалтын. Но 2023 ий 4 ноябрьыште ӱмыржӧ кӱрылтын. Ме порын шарнаш да тудын дене кугешнаш тӱҥалына.
Наталья ТИТОВА.
Морко, Купсола.
