Усталык школышто кажне кечын тӱрлӧ вере экскурсий дене коштынна. Кумшо кечын Печать пӧртыштӧ лийынна.
Журналистын пашаже моткоч оҥай. Тидым уэш да уэш умылем. Тудо тӱрлӧ еҥ дене вашлиеш, палыме лиеш, интервьюм налеш, ятыр мероприятийыш лектын коштеш… Печать пӧртыштӧ «Марий Эл», «Кугарня», «Марийская Правда» газет редакцийлан пашаеҥышт дене вашлийынна. Нуно шуктымо сомылышт дене палымым ыштеныт, ты пашан кӱлешлыкше нерген ойленыт. Ӱдыр-рвезе-влакланат шкеныштым журналист семын шижаш йӧным пуэныт. Икмыняр йоча, камер ваштареш шинчын, текстым сылнын лудын. Камер ончылно шкем кузе кучымо шотышто умылтареныт. А эше ме йӧратыме «Ямде лий» газетнан редакцийыштыже лийынна. Туштат моткоч келшен. Мый шуко ум пален налынам. Ӱшанем, илышыштем чылажат кӱлеш лиеш.
Анна АНДРЕЕВА.
Кужэҥер, Шӱдымарий.
