Пийым арам огыл ик эн ушан янлыклан шотлат. Шымлызе-влакын ойышт почеш, тудын уш-акылже кок ияш йочан дене икгайрак манаш лиеш. Пий айдемын койышыжым умылен мошта, кӱштымым шуктен кертеш. Тидлан тудын вуйдорыкшо ден капкылжым вияҥдыман. Тыгодым тӱрлӧ модышым кучылтман. Могайым? Капкылым вияҥдаш тӱрлӧ мече, фрисби, оҥго-влак келшат. Модыш пеҥгыде материал гыч лийшаш.
Пий пураш йӧрата. Тыге пӱйжӧ эрыкталтеш да сырымыжат лушка. Тидлан резине да коваште гыч ыштыме модыш-влак келшат. Уш-акылым вияҥдыше модышым эртарыме годым пийлан тамле сийым пуыман.
Модышым ойырымо годым пийын ийготшым шотыш налман: пинегылан пушкыдым, а кугыраклан пеҥгыдыракым пуыман. Шаланыше да лавыран модышым темлыман огыл. Ныл йолан йолташ дене жапым шукырак эртарымеке, икте-весе коклаште вашкыл пеҥгыдемеш.
Катя СЕРГЕЕВА ямдылен.
Фотом freepik.com сайт гыч налме.
